Joxemiel Barandiaran udal kiroldegia berritzen ari da Lazkaoko Udala. 6 kaleko igerileku berria eraikiko da, egungo igerilekua eta sauna berritu eta aldagelak eta komunak egokitu.
Obraren 1go azpifasea burutu da, lehen solairuko aldagelak eta komunak egokitzeari dagokiona: joan den larunbatean, apirilaren 15ean, igerilekuetako aldagela berriak ireki ziren eta igerilekurako behin-behineko pasabidea. Orain lanaren 2. azpifasea martxan dago, igerileku berria eraikitzeari dagokiona.
Obrak 2022ko ekainean hasi ziren, eta 2024ko lehen hiruhilekoan bukatzea aurreikusten da. Udal inbertsioa 4.035.274 eurokoa + BEZa da.