Komunikabide bakoitzaren sorreratik abiatuta, gaur egungo egoera eta etorkizunak dakartzan mehatxu eta aukerak azaldu zituzten Ion Aldanondo, Olatz Etxeberria eta Kerman Garraldak. Etorkizunean elkarrekin lan egin eta indarrak batzeko aukeraz ere aritu ziren Maizpide Barnetegian ospatutako solasaldian.
Biziolak antolatutako jardunaldiaren bigarren zatia izan zen Goierriko hedabideen parte-hartzea. Lehenengoan, Goiena, Aiaraldea eta Urolako Komunikazio Taldearen kooperatiba esperientziak ezagutu ahal izan ziren.