Hirugarren fasea amaitzeko jardunaldi bakarraren faltan, lider aldaketa egon da kirol kluben arteko Matx desafioaren galdetegi azkarrean. Ordizia eskubaloiko neskek orain arteko markarik onena lortu dute. Lau puntu eskuratuta, Urnietaren erregistroa hobetu eta sailkapen buruan jarri dira.
Tolosatik Ordiziara mugitu da kirol kluben arteko Matx desafioa. Tolosa CF-eko jokalarien erronkak ikusi ostean, asteon, Ordizia eskubaloi taldeko senior mailako emakumezkoen txanda izan da. Eta galdetegi azkarrean, hirugarren faseko mailarik onena eman duen taldea izan da. Lau galdera asmatuta, Urnieta liderraren marka gainditu eta sailkapen buruan jarri baitira. Abilezia jokoan berriz, ez dira hain ondo moldatu. Azken postuan daude sailkapen horretan. Galdera kateatuetan azkenik, galdera bereziak egin dizkiote elkarri.
Bideo guztiak matx.eus sare sozialean ikus daitezke.