Anaia handiaren bideari jarraituz, gazte mailako Soraluzeko futbolariak ere animatu dira Matx desafioan parte hartzera. Tolobolei taldeko ordezkariei erreleboa hartu diete eta sare sozialak planteatutako hiru jolasetan ondo aritu badira ere, momentuz, bigarren postuarekin konformatu beharko dute plaentxiarrek.
Kirol kluben desafioko hirugarren fasean sartu da Soraluze FT. Konkretuki gazte mailako taldea da sare sozialaren erronkan aritu dena eta lehen fasean, senior mailako taldeak egin bezala, gustura aritu dira planteatu zaizkien joko guztietan.
Galdetegi azkarrean bi puntu soilik lortuta, tolosarrekin berdinduta, baina bigarren postuan kokatu dira. Abilezia jokoan berriz, puntu bakarra erdietsi dutenez, Tolosarren atzetik daude sailkapen nagusian.
Bideo guztiak matx.eus sare sozialean ikus daitezke.