Ikasturte-bukaerako kontzertuak eta askoz ekintza gehiago ekainean!

Azken asteotan Musika-hizkuntzako 2A mailako ikasleekin instrumentuen ezagutza-saioak egiten aritu gara Seguran. Eta pasa den ostegunean Bazkideen Batzar Orokorra egin genuen Zerainen.

Ekainean ekintza ugari izango dituzte gure ikasleek: 3an jaunartzeetako arku-egitea Zegaman; ekainaren 11n Lazkaoko Dantzari Txiki Egunera joango dira gure dantza-taldeak eta txistulariak; 21ean ZerainLab-ek antolatutako solstizio-egunean joko dute Zeraingo gure zenbait ikaslek herrian; San Joan bezperako suaren inguruko erromeria antolatuko du musika-eskolak Zegaman; 25ean Segurako jaien barruko gaueko Zopa Pertzaren kalejiran arituko dira trikiti, pandero eta perkusioko ikasleak; e.a. Guztien artean, ordea, ikasturte-bukaerako kontzertuak nabarmenduko dira: ekainaren 20an Segurako plazan eta 21ean (Musikaren Nazioarteko Egunean) Zegamakoan. Azken hauetako egitarauak dituzue atxikian.

Zuen zain gauzkazue!