Larunbatean, goizeko 10:00etan herriko plazatik abiatuko da afizionatuen pelotoia 101 kilometroko ibilbidea osatu asmoz. Aurtengo karrerak iazko ibilbide berdina izango du, denera zortzi mendate igo beharko dituzte txirrindulariek. Lasterketaren hasieran, Seguratik Zegamara joan-etorria egin beharko dute; ondoren, Lierni Atagoiti eta Aztiriko mendateak pasaz osatuko den zirkuitoari bi itzuli eman beharko zaizkio eta hau gutxi balitz, azken kilometroetan Barbariko eta Minetako mendateek pasako dituzte txirrindulariek. Lehenengo ziklistak 12:30 aldera espero dira helmugan.
Euskaldun torneoaren baitako proba izango da aurten San Joan proba, afizonatu mailako talde indartsuenak izango dira Seguran.
Segurako Txirrindulari Elkarteak lasterketa segurtasun osoz egin dadin boluntarioen laguntza ere beharko du larunbatean. Lasterketa igaroko den bidegurutzeak zaintzeko prest dagoenak elkarteko kideekin jarri behar du aurrez harremanetan.
Bertso afaria
Iazko afariaren arrakastari jarraitu asmoz, ekainaren 13an bertso afaria antolatu du Segurako Txirrindulari Elkarteak. Aratz Igartzabal “Potto” eta Eneko Araiztegi “Korta” arituko dira kantuan, gai jartzaile lanak Jon Iturriotzek egingo ditu. Txartelak hilaren 10era bitartean Imaz tabernan eskuratu daitezke, 25 euroko kostua izango dute.