mailako ziklistek parte hartuko dute. 41 kilometroko ibilbidea osatu beharko dute parte hartzaileek, azken kilometroetan igo beharko duten Zeraingo mendatea izango da karrerako mendate puntugarri bakarra. 15:20ak aldera espero da lehenengo txirrindularia helmuaratzea.
Ondoren, 16:00etan, bigarren lasterketa hasiko da, kasu honetan junior, 23 urtez azpiko eta elite kategorietako ziklistek parte hartuko dute. Kasu honetan, 60 kilometroko ibilbidea egin beharko dute. Lasterketa honetan, Lierniko gaina hiru aldiz gainditu beharko dute txirrindulariek. Segurako plazako helmugan 17:35ak aldera espero da irabazlea. Emakumezkoen Euskaldun Torneoaren baitako proba izango da Segurakoa.
Boluntario eskaera
Segutako Txirrindulari Elkarteak beste behin kruzeak egiteko laguntza eskatzen du. Boluntario taldean emakumezko batzuk badauden arren, gehiago izatea gustatuko litzaigute. Horrela herriko WhatsApp taldean eta sare sozialetan emakumeak kruzeak zaintzera joan daitezen dei berezia egin da. Karreraren antolakuntza lagundu nahi duenak txirrindulari elkarteko kideekin jarri behar du harremanetan.
Beste lau karrera Sanjoanak bitartean
Larunbateko lehen lasterketaren ondoren, errepideko beste lau proba ere jokatuko dira aurten Seguran. Eskolarteko karrerak martxoaren 22an egingo dira, kadete mutileta maiatzaren 3an, Gizonezkoen Euskaldun Torneoaren baitakoa ekainaren 7an eta junior mailako Gipuzkoako Itzuliaren azken etapa ekainaren 23an.