Aurtengo zikorkosaren berritasun nagusia ibilbidearena izango da, probak San Andres ermitaren parean hasiko dira eta helmuga puntua Baratze pilotalekuaren aurrean kokatuko da. Ibilbideak 2,7 kilometroko luzera du, horietatik asfaltoan 400 metro bakarrik. Helmugaren ondoan, Txirrindulari Elkarteak txosna jarriko du, larunbat arratsaldean irekita egongo da eta igandean salda, pintxoak eta edariak eskainiko dira bertan.
Boluntarioen laguntza ezinbestekoa
Dagoeneko 30 lagun baino gehiagok eman du zirkuitoa muntatzeko lanetan laguntzeko izena. Ostiralean, goizeko 8:00etan hasita, egingo da lan hori. Txirrindulari Elkarteak eskerrak eman nahi dizkie boluntario denei.
Zirkuitoa, edonorentzat irekia
Ziklokrosa ikusteaz gain, probatu nahi duenak, larunbatean 15:00retatik 16:00retara izango du horretarako aukera. Ibilbideari itzulia ematen diotenen artean Lumagorrik eskainitako lotea zozketatu da. Ondoren, Gipuzkoako txirrindulari eskoletako kideek teknifikazio saioa egingo dute.
Igandean lau lasterketa
Egun handia, hilaren 10a izango da, goizeko 9:30ean master 40, 50 eta 60koen txanda izango da. Ondoren, 10:30ean kadeten lasterketa jokatuko da, 11:30ean juniorren eta open nesken txanda izango da. Azkenik, 12:30ean elite, 23 urtez azpiko eta master 30en lasterketa jokatuko da. Momentuz 200 txirrindularik eman dute izena probetan parte hartzeko.