2025eko Beasaingo Inauteri herrikoiak datorren larunbatean (martxoak 1)

Erabiltzailearen aurpegia Ostadar Dantza Taldea 2025ko ots. 20a, 12:42

Egun osoko festa-egitaraua izango da. Goizean urteroko dantza-desfile herrikoia izango da, eta arratsaldean, Elizagoien ahizpen erromeria

Urtero legez, Ostadar Dantza Taldeak Beasaingo Inauteri herrikoiak antolatu ditu datorren Inaute larunbaterako (martxoak 1). Aurten ere, Euskal Herriko hainbat lekutan, Inauterietan ikus eta dantza daitezkeen inauterietako dantza herrikoiak eskainiko dituzte.

Ohi bezala, dantza taldeeko kideekin batera, musikariak zein taldeak antolatutako entsegu irekietara azaldutako herritarrak irtengo dira. Dena den, dantza-desfilea irekia izango denez, larunbatean bertan herritarrei dantzara irteteko deia luzatzen die dantza taldeak, elkarrekin inauteriak ospatzeko.

Egun osoko festa-egitaraua:

  • Dantza-desfilea 10:30ean  hasiko da taldearen egoitzan (Oriamendi kalea, 10). Dantzariak herriko kaleetan barrena ibiliko dira 13:30ak bitartean. Bideluze plazan emango zaio amaiera desfileari. Eguraldi txarra egingo balu, dantza-desfilea Gernika Pasealekuko frontoian eta Loinazko San Martin plaza azpian egingo da

  • Arratsaldean, 19:00etatik aurrera, Elizagoien ahizpen eskutik erromeria izango da Loinazko San Martin plaza azpian!

Ostadar Dantza Taldeak herritar, dantzari eta dantzazale guztiak gonbidatzen ditu datorren larunbatean Beasainera, elkarrekin inauteriak giro onean ospatzeko

Etxean edo plazan, jarrai zagun dantzan, dantzatzen duen herria ez da sekula hilko 

Izan zaitez Komunitateko partaide eta eman zure ekitaldien berri!

Argazkiak, artikuluak, hitzorduak, agenda ekitaldiak, eta bestelako edukiak gehitzeko aukera izango duzu webgunera.


KOMUNITATEA