Urtero legez, Inaute larunbatean (otsailak 10), ohiko dantza-desfile herrikoia eskainiko da Beasaingo kaleetan zehar, Ostadar Dantza Taldeak antolatuta. Aurten ere, herritarrak zein interesatuta dauden dantzazale guztiak gurekin dantzatzera gonbidatzen ditugu.
Helburua, ohi bezala, Beasaingo herria inauterietako musikaz, kolorez, festaz eta dantzaz janztea izango da, eta baita elkarrekin egun on bat igarotzea ere.
Horregatik, jendea gurekin dantzatzera animatu dadin, entsegu ireki hauek antolatu ditugu egun eta ordu hauetan gure lokalean (Oriamendi 10, Beasain):
- Astelehenetan, 19:00etan
- Asteartetan, 19:00etan
- Larunbatetan, 11:00etan
Datozen egunetan zehar zabalduko dugu egunean bertan izango dugun festa-egitaraua. Anima zaitezte gurekin dantzara!
Dantzatzen duen herria ez da sekula hilko
