ORDIZIAN ELKARTEAREN BATZAR NAGUSIA: ELKARTZEKO ETA ELKARREKIN AURRERA EGITEKO TARTEA

Gaur, azaroak 10, Ordizian Elkartearen Batzar Nagusia egin dugu. Bazkideekin elkartzeko, elkartearen jarduna partekatzeko eta datozen erronkei elkarrekin begiratzeko aukera izan dugu.

Batzarrean, 2025eko jardueren memoria eta kontuak aurkeztu ditugu, baita 2026ko azken hilabeteetarako aurreikusitako ekintzak ere. Zuzendaritza Batzordea ere osatu dugu, estatutuek eskatzen dituzten zortzi kideekin.

Bileraren ondoren, elkarrekin mokadutxo bat hartzeko eta giro atseginean solasean jarraitzeko tartea izan dugu. Eguneroko lanaren eta presen artean, ederra da noizean behin gelditzea, elkarri entzutea eta une goxoak partekatzea.

Eskerrik asko bertaratu zareten guztioi, zuen denboragatik, ekarpenengatik eta elkartearekiko konpromisoagatik. Bakoitzaren ekarpenak indartzen du Ordizian, eta elkarrekin jarraituko dugu herriko merkataritza, ostalaritza eta zerbitzuak bizirik mantentzen.

Elkarrekin, Ordizian indartsuago! 💙