"Ordiziako komertzioa lorez jantziko da udaberri honetan" kanpainaren baitan antolatutako Erakusleiho Lehiaketako sari-banaketek aurrera jarraitzen dute.
Oraingo honetan, MIRENTXU Moda Infantil izan da bigarren sariaren irabazlea, eta horrekin batera 200 euroko erosketa-balea jaso du.
Establezimenduak udaberriari eskainitako erakusleiho zaindu, koloretsu eta erakargarria prestatu du, lorez eta apaingarri bereziez osatua. Dekorazioaren originaltasuna, xehetasunen zaintza eta kanpainaren gaiarekin izan duen lotura nabarmendu ditu epaimahaiak.
Ordizian elkarteak zorionik beroenak eman nahi dizkio Mirentxuri sari honengatik, eta eskerrak eman parte hartu duten establezimendu guztiei, Ordiziako kaleak kolorez eta bizitasunez betetzeagatik.
🥈 Bigarren saria: 200€ko erosketa-balea.
Egin GITBkide Goierri Irrati Telebista aplikazioan eta zozketaz, Gida Komertzialeko abantailaz eta premium edukiaz gozatu.
GITBkide