NESS by Esti Garcíak hirugarren saria jaso du Erakusleiho Lehiaketan

"Ordiziako komertzioa lorez jantziko da udaberri honetan" kanpainaren barruan antolatutako Erakusleiho Lehiaketako sariak banatzen jarraitzen dugu.

Oraingo honetan, NESS by Esti Garcíak jaso du hirugarren saria, udaberriko gaiari lotutako erakusleiho original, koloretsu eta zainduagatik.

Lorez, tulipez eta udaberriko elementuz apaindutako erakusleihoak giro berezia sortu du kalean, eta bezeroen nahiz epaimahaiaren arreta bereganatu du. Establezimenduak erakutsi duen sormenak eta detaileek kanpainaren espiritua ezin hobeto islatu dute.

Ordizian elkarteak bereziki eskertu nahi du Estiren inplikazioa eta parte-hartzea, baita kanpainan parte hartu duten establezimendu guztiena ere. Horrelako ekimenek Ordiziako merkataritza indartzen dute eta gure kaleak erakargarriago bihurtzen dituzte.

🏆 Zorionak NESS by Esti Garcíari lortutako sariagatik eta eskerrik asko egiten duzuen lanagatik.