Ordiziako Idiazabal Gaztaren Kofradiak bere XXXVI. Kapitulua ospatu zuen larunbatean. Jardunaldiari hasiera goizeko 10:30ean eman zitzaion, Barrena jauregian kofrade eta gonbidatuei egindako harrerarekin. Ohiturari jarraituz, hamaiketakoa eskaini zen.
11:30ean, Barrena jauregiko areto nagusian, Ordiziako Oroith abesbatzak ongi etorri kontzertua eskaini zuen Katrin Iturralde Izuzkizaren zuzendaritzapean.
Ondoren, kofradien desfilea egin zen udaletxeraino. Bertan parte hartu zuten gastronomia eta produktu tradizionalekin lotutako hainbat kofradiak, Euskal Herritik zein kanpotik etorritako ordezkariekin.
Udaletxeko osoko bilkuren aretoan egin zen Kapituluko ekitaldi nagusia. Adur Ezenarro Ordiziako alkatearen ongi etorriaren ondoren, azken urtean zendu diren kofradeak gogoratu zituzten: María Asuncion Barandiaran Unanue, Alberto Garin Golmayo eta Anton Murguiondo Iñiguez de Heredia. Haien senideei lore sortak eta gaztak eman zitzaizkiten omenaldi modura.
Ekitaldiko unerik esanguratsuenetako bat kofrade berrien izendapena izan zen.
Zenbakizko Kofrade izendatu zituzten:
- Amaia Ajuria Urrujulegui
- Maider Muguia Baztan
- Vanessa Mendoza Martínez
Ohorezko Kofrade izendapena jaso zuten:
- Iosu San Vicente Sáenz de Ugarte artzain eta Idiazabal gazta ekoizleak (San Vicente de Arana, Araba)
- Alberto Vesga, Sustrai fruta dendaren izenean
- Ordiziako Azari Ehiza eta Arrantza Elkarteak, bere mendeurrena dela eta
- Euskal Sukaldaritza Berriaren sortzaileek, mugimenduaren 50. urteurrenean
Bestalde, Onnera Group S.Coop erakundea Kofrade Babesle izendatu zuten.
Egitaraua amaitzeko, kofradiako bazkide eta gonbidatuek senidetze bazkaria egin zuten Ordiziako Martínez jatetxean.
Tradizioa, gastronomia eta aitortza uztartu zituen egun berezia izan zen aurtengoa ere.