Bihar, osteguna, Ordiziako merkataritza, ostalaritza eta zerbitzu elkarteek eta, Eusko Jaurlaritzako Turismo, Merkataritza eta Kontsumo Sailaren laguntzarekin, “Ongi Etorri” kanpaina jarriko du martxan
Kanpaina honek udalerriko establezimenduen arteko batasun irudia transmititu nahi du. Aldi berean, tokiko kontsumoa bultzatu nahi da alderdi guztietan (aisialdia, erosketak…) eta Ordizian denetarik eros daitekeela erakutsi: elikagaiak, jostailuak, arropa, etxetresna elektrikoak, liburuak, papertegia, altzariak, bitxiak…
Hori dela eta, “Ongi Etorri” izan da aukeratutako leloa, asmo adierazpen argia: kaleetatik paseatzen ari diren pertsona guztiak establezimenduetara sartzera gonbidatu nahi ditugu, “ongi etorriak direla eta konpromisorik gabe sartu, begiratu eta galdetu dezaketela esan nahi diegu”.
Alde batetik, establezimenduek alfonbra bat jarriko dute sarreran, kanpainaren leloarekin, kaleetatik paseatzen ari diren pertsonei sartzeko gonbita egiteko eta ongietorria emateko.
Bestetik, bezeroek 500 €-ko 3 erosketa-txarteletako bat irabazi ahal izango dute, atxikitako establezimendu parte-hartzaile guztietan erosiz gero urriaren 9tik 23ra arte bitartean. Zozketa, urriaren 23an egingo da Ordizian bulegoan, 13:15tan.
Kanpaina honek Ordiziako establezimendu guztiek osatzen duten sare komertzial handia erakutsi nahi du, bezeroek behar dituzten produktu eta zerbitzu guztiak hemen bertan dituztela erakutsiz, eskura, hurbiltasunak soilik eskain ditzakeen erraztasun eta konfiantzarekin.