ORDIZIAN EROSTEAK URREZKO EGITEN ZAITU

Ordiziako saltokietan 500 euroko bi erosketa bale eskuratu ahal izango dituzte bezeroek datorren astean

Merkatari eta ostalariek sentsibilizazio kanpaina bat jarriko dute martxan Abenduaren 1ean. Orotara, 10.000 bonboi kaleratu dituzte, eta horietako bi urre kolorekoak izango dira.

Ordiziako merkatari eta ostalariek sentsibilizazio kanpaina bat jarriko dute martxan ostiralean, eta zapatura bitartean izango da martxan, Ordizian erosteak urrezko egiten zaitu lelopean. Herriko saltokietan erosketak egiten dituzten herritarrek gozagarri bat eskuratzeko aukera izango dute; bonboiak.

Orotara, 10.000 bonboi kaleratu dituzte, eta horietako bi urre kolorekoak izango dira. Bi bonboi berezi horiek sari bana izango dute: Herriko saltokietan gastatzeko 500 euroko sariak.

Sentsibilizazioan eragitea da kanpainaren helburua, hau da, herritarrak bertan kontsumitzeak duen garrantziaz ohartaraztea. Hala azaldu dute egitasmoaren sustatzaile diren Ordizian merkatari elkarteak, eta Ordiziako udalak: "Saltokiak irekita egoteak argia, bizia eta indarra ematen diote herriei, urreak bezala".

Haien esanetan, halako kanpainak "ezinbestekoak" dira, gainera. "Etengabe egin behar da saiakera, informazioak xurgatzen gaituen garai hauetan kalean ibiltzeak, erakusleihoak ikusteak eta bertan erosteak dituen onurak erakutsiz". Halaber, halako egitasmoak sustatzen jarraitzeko asmoa agertu dute, sektorearen profesionalizazioan eragiteko, egungo eta etorkizuneko kontsumitzaileek herriguneetan kontsumitzen jarrai dezaten. Gainera, datorren astean sei egunez martxan izango den kanpainak Eusko Jaurlaritzaren finantzazioa duela azaldu dute.