GOZATU GABONAK ORDIZIAN

Erabiltzailearen aurpegia Ordizian Elkartea 2023ko abenduaren 20a

Herritarrak Eguberriez gozatzeko azken prestaketetan murgilduta daudelarik, Ordiziako merkataritzak ilusioa eskainiz batu nahi da “Gozatu gabonak Ordizian” lelopean hainbat proposamen aurkeztuz, hauen artean 2000 eurotik gorako balioa duen saski baten zozketa nabarmenduz. “Urtean zehar Ordiziako dendetara, tabernetara eta zerbitzu-enpresetara hurbildu zareten guztioi eskertzeko modua izango da zozketa hau. Sektoreak herriarentzat duen garrantziaz jabetzeko eta gure saltokietan, batean zein bestean, baina beti tokiko merkataritzan, gure lagun, gure senide, bizilagun ezagun eta ezagunen dendetan kontsumitzeak dakarren abantaila handiaz jabearazteko”, adierazi du Maitane Alvarez, Ordiziako alkateordeak. “Izan ere, pertsona horiek ematen digute aukera eguberritako egun hauetan eta urtean zehar behar dugun guztia eroso eskuratzeko”, gaineratu du. “Ordizian bizi eta Ordizian erosi leloarekin bat eginez”.

Aipatzekoa da Ordiziako kaleek Gabonetako ohiko argiak izango dituztela eta horietako kale batzuek dinamizatzeko musika ere izango dutela. Zalantzarik gabe, giro polita sortuko dute, erosketak egiteko eta Ordiziako merkataritza-sektoreak aurkezten dituen proposamen hauetan parte hartzeko:

GABONETAKO 12 OTAR eta UMEAREN LOTERI DEZIMOEN ZOZKETA

Egun bakoitzean gabonetako otar bat eta 20240 zenbakidun loteri dezimo bat zozketatuko dira. (Zozketak, guztira 12)

ZOZKETA EGUNAK: Abenduak 18, 19, 20, 21, 22, 26, 27, 28, 29 eta Urtarrilak 2, 3, 4

PARTE HARTZEKO: Parte-hartzaile diren establezimenduetan abenduaren 15etik urtarrilaren 4ra kontsumituz gero, lortu daitezkeen boletoak bete eta ORDIZIAN bulegoko pos­tontzian bota behar dira.

2.000€tik gorako balioa duen ORDIZIAN SARI POTOLOAREN ZOZKETA

Saria ORDIZIAN bulegoko erakuslehioan dago ikusgai

ZOZKETA EGUNA: Urtarrilak 5 | 13:30 | ORDIZIAN bulegoa

PARTE HARTZEKO: Parte-hartzaile diren establezimenduetan abenduaren 15etik urtarrilaren 5era kontsumituz gero, lortu daitezkeen boletoak bete eta ORDIZIAN bulegoko pos­tontzian bota behar dira.

ORDIZIAN POTEOA

Abenduak 20, Asteazkena| 19:00-21:30 BURRUNBAZALE Txarangarekin

Urdaneta kaletik hasita, herriko kaleetan zehar

Ordizia

Egin GITBkide Goierri Irrati Telebista aplikazioan eta zozketaz, Gida Komertzialeko abantailaz eta premium edukiaz gozatu.


GITBkide