Ekimena ekainaren 21a eta uztailaren 5a bitartean egongo da martxan eta partaide diren establezimenduetan erosten duten bezeroek 300 €-rainoko erosketa balea irabazteko aukera izango dute.
Kanpaina honen helburua da tokiko merkataritza zein kontsumoa indartzea eta horretarako, uztailaren 7an, 800€ zozketatuko dira 8 sari desbedinetan: 300€ko erosketa bale bat, 100€ko 3 eta 50€ko 4.
Ordiziako merkatari elkarteak, ORDIZIANek, alegia, Udala eta Eusko Jaurlaritzaren laguntzarekin,ekintza andana antolatzen ditu urtean zehar tokiko merkataritza indartu eta bultzatzeko xedez. Eta hain zuzen helburu horri helduta, oraingoan “Uda hontan, irabazi Ordizian” ekimen berria aurkeztu du, uztalaren 5a bitartean egongo dena martxan.
Aipatu ekimenaren bitartez, establezimendu partaideetan erosten duten bezeroek sobreak jasoko dituzte eta helburua izango da sobrean partaide diren 6 establezimendu ezberdinetako tiketak sartzea. Ez da erosketa kopuru minimorik ezarri.
Behin hori lortutakoan, sobrea Ordizian bulegoan egongo den postontzian bota ahal izango da. Zozketa uztailaren 7an egingo da. Parte hartzaileek 300€, 100€ edo 50€ko erosketa balea irabazteko aukera izango dute.
Ordizian erosketak egitean eramaten duzun guztia gogoratu: produktu bat erosteaz gain, tokiko ekonomiaren alde egiten duzu, jasangarritasuna sustatzen duzu, eskaintza komertzialaren konfiantza, zerbitzua eta kalitatea, giza harremanak, ongizatea, ingurune bizia bultzatzen duzu… guzti horregatik, Uda hontan irabazi Ordizian!