Beste ateburu batez, garaipenak izan zira nagusi gurean. Senior mutilek eta Euskal Ligako Kadete neskek bigarren garaipenak jarraian lortu zituzten. Euskal Ligako Junior mailan oso emaitza ezberdinak egon ziren. Neskek dinamika txarrean jarraitzen dute eta porrot estua jaso zuten Zarautzen, mutilek aldiz garaipen bikaina lortu zuten Urretxun. Kadete Errendimendu mailan dauden bi taldeek garaipen bana lortu zuten Hondarribiako Ikasbasket klubeko taldeen aurka, neskek modu erosoan irabazi zuten beraien partidua Carrocerias Amute Hondarribia taldearen aurka eta mutilek partidu kaxkar baten ondoren Ama Guadalupekoa Ikasbasket taldea menperatu zuten. Partaidetzako Kadete mutilek, denboraldi honetan galdu duten aurkari baten aurka jokatu eta oraingo honetan irabazi egin zuten. Infantil mailan, Errendimendu Urrean eta Zilarrean dauden nesken bi taldeek garaipen bikainak lortu zituzten Ostadar S.K.T. eta Easo Basket Oriamendi taldeen aurka hurrenez hurren. Partaidetzan dauden Infantil mutilek ordea, puntu eskas batengatik galdu zuten larunbatean Majorin. Azkenik igande arratsaldean, Alebin Errendimendu mailako neska eta mutilek Majorin jokatu zuten eta neskek garaipena eskuratu zuten bitartean, mutilek ezin izan zioten Domusa Teknik ISB talde azpitiarrari irabazi.
2023/03/25-26 asteburuko emaitzak
2023ko mar. 29a, 19:43
Irudian dituzue gure taldeek pasatako asteburuan lortutako emaitzak
Egin zaitez Komunitateko kide eta eman zure ekitaldien berri!
Argazkiak, artikuluak, hitzorduak, agenda ekitaldiak, eta bestelako edukiak gehitzeko aukera izango duzu webgunera.
KOMUNITATEA