Alegiko Sindikatoa ekoizleen eta kontsumitzaileen elkartea sortu berri dute Itsasoko Alegi auzoan. Inguruko herritarrei bertako produktuak erosteko aukera emango die dendak eta irabazi guztiak ekoizleei bideratuko zaizkie.
Bertan aurkituko diren produktuak hiru multzotan banatuko dira, Itsasoko ekoizleen produktuak, Biziolaren eskutik gertuko produktu ekologikoak eta Ezkioko Topak eskainitako ohiko dendetan aurkitu daitezkeen produktuak.
Proiektuaren berri emateko eta elkarteko bazkide egiteko aukera eskaintzeko, ostiral honetan (martxoak 15, 19:00etan) egingo dute batzar informatiboa Alegiko Sindikatoan, Itsaso-Alegiko eliza ondoan.
