Herrialde Konpromiso saria jaso du Iparragirre Eraikuntza Lanak enpresak Build:Inn Awards 2026 sariketan.
BUILD:INN Basque Construction Cluster Euskadiko eraikuntza-sektoreko kluster nagusia da. Enpresak, erakunde publikoak, zentro teknologikoak eta prestakuntza-erakundeak biltzen ditu, helburu nagusitzat hartuta sektorearen berrikuntza, jasangarritasun, digitalizazio eta industrializazioa bultzatzea.
Pedro Iparragirre, enpresako presidenteak jaso du saria. Aitortza enpresako kide diren guztiei eta urte hauetan enpresa aurrera eramaten lagundu dutenei eskaini die. Bere hitzetan, Iparragirrek bere jarduera garapen ekonomiko eta sozialari ekarpena egiteko modutzat ulertzen du. “Obra bakoitzean eraikinaz harago begiratzen saiatzen gara: pertsonen eguneroko bizitzari zer ekarpen egin diezaiokeen eta inguruan zer balio utz dezakeen pentsatzen. Izan ere, obrak amaitu egiten dira, baina haien ekarpenak iraun egiten du”, adierazi du.
Build:Inn Awards 2026ko gainontzeko sarituei dagokienez, ibilbide inspiratzailearen saria Bilboko Arte Ederren Museoko zuzendari Miguel Zugazak jaso du, eta bultzada berritzailearen saria, berriz, Zeru Drones gipuzkoar enpresak.