'Otsoko eta Xixili' ipuin kontakizun musikatua

Xixilik eta Otsokumek ez dute elkar ezagutzen.

Xixili neskatoa herrian bizi da, abenturazalea da, eta animalien atzetik igarotzen ditu egunak: txano gorria jantzi, lupa eskutan,
eta motxila lepoan kristalezko potoz betea.

Otsokume basoan bizi da, eta animaliak harrapatzera eramaten du otso nagusiak egunero. Otsokumek, ordea, ezin! Izan ere
animaliek ikaratu egiten dute koitadua.

Jakin nahi ahal duzu nola ezagutuko duten elkar bi pertsonaia hauek? Bertso, musika eta animalien erreinuan murgilduta,
Xixiliren eta Otsokumeren istorioa kontatuko dizuegu.

Ipuin-kontakizunean, propio sortutako bertso sorta musikatuak tartekatuko dira.