Hirugarren aldiz jokatu da Florentino Goiburu Bertsopaper Lehiaketa. Sari banaketa ostiralean egingo dute, iluntzeko 20:30ean, baina dagoeneko jakinarazi dituzte saridunak.
Lehen saria Maddi Aiestaran Iparragirrentzat izan da 'Gure denbora' lanagatik. Bigarren saria Iñigo Legorburu Arregirek irabazi du 'MIxel Aire, mendian gora' lanarekin. Hirugarren saria Urko Egaña Calderonentzat da 'Zergatik joan' lanagatik. Gazteen mailan saritua Mara Orbe Alcalde bilbotarra izan da 'Aitite eta amama' lanarengatik.
Aurten bederatzi lan aurkeztu dira sariketara eta, antolakuntzatik adierazi dutenez, epaile taldearen iritziz batez besteko mailak gora egin du.
Bertso afaria Amets Arzallus eta Aitor Mendiluzerekin
Sari banaketa ostiral honetan egingo dute, arratsaldeko 20:30ean, Atxurbide elkartean. Ondoren bertso afaria izango da Amets Arzallus eta Aitor Mendiluze bertsolariekin.