Idiazabalgo Udalak 17 ikastaro antolatu ditu 2025-26 ikasturterako, eta bertan izena emateko epea irailaren 1ean zabalduko da. Ohi bezala, izen-ematea online egin daiteke, edo aurrez aurre liburutegian. Izena emateko epea irailaren 14an itxiko da.
Kirola sailak zazpi ikastaro eskainiko ditu: spinning, yoga, TRX, GAP, pilates, mantentze soinketa, Gaztefit eta tai-chi. Euskara eta Kultura sailak lau ikastaro antolatu ditu: egur lanketa, joste lanak, helduentzako zeramika (ikastaro berria da) eta euskara.
Emakumeen Ahalduntze Eskolak, berriz, hiru ikastaro berri eskainiko ditu: Amak tribuan, Kosmetika naturaleko tailerra eta Sexualitatea eta emakumeak bizitzan zehar. Azkenik, hiru ikastaro edo jarduerak osatuko dute Ongizate sailaren eskaintza: Oroimen tailerra, Izalbira eta Lehen sorospenak.
Ikastaroei buruzko informazio guztia (ordutegia, prezioa eta abar) eskuorri honetan kontsultatu daiteke.