Iparragirre Eraikuntza Lanak enpresak 75 urte bete ditu aurten eta urteurrena ospatzeko ekitaldia egin zuen ostiralean.
Enpresako taldean aritu diren 50 lagun baino gehiago elkartu ziren Tolosako Beotibar pilotalekuan. Izan ere, eraikin hau Iparragirrek zaharberritu zuen 2019an eta 1930eko hamarkadako arkitektura arrazionalistaren adibide bikaina da.
Topaketan parte hartu zutenek beren bizipenak eta oroitzapenak partekatu zituzten, giro hurbilean. Gainera, ekitaldiak agerian utzi zuen ibilbide luzeko enpresen garrantzia, enplegua sortzeaz gain, tokiko jarduera ekonomikoa sustatzen dutelako.