Urrezko aizkolari eta harri-jasotze finalak jokatu ziren Azpeitiko Izarraitz pilotalekuan eta guztira zortzi txapeldun erabaki ziren bertan.
Harri handietakoan, Gari Garmendia izendatu zen txapeldun, 33 altxaldirekin 4.618 kilo jasota. Hiru harri altxatu zituen finalean, 175 kiloko errektangularra 7 aldiz, 138ko kubikoa 11 aldiz eta 125eko bola 15 aldiz.
Bigarren postuan, Xabier Aranburu Guzta idiazabaldarrak, 29 altxaldirekin 4.181 kilo jaso zituen guztira.