Euskal Herriko 41. Artzain Gazta Txapelketa eta Baserritarren Eguna ospatu zen atzo Idiazabalen. Goiz osoan zehar, herria postuz eta bisitariz bete zen eta eguraldia lagun, egundoko giroa sortu zuten.
Haurren jolasak, ganadu erakusketa eta herri kirolak izan zituzten ere eta urtero legez, artalde bat herritik pasatzen ikusteko aukera izan zuten.
Artzain Gazta Txapelketak hartu zuen frontoia. Aurten Araba, Bizkaia, Gipuzkoa eta Nafarroatik 40 gazta inguru aurkeztu dira txapelketara. Lekaroztik, Kortariako Infernuko Gasna bilakatu da aurtengo garailea.