Araba, Bizkaia, Gipuzkoa eta Nafarroako txapelketetan sailkapen onenak lortutako gaztagileek hartuko dute parte gazta lehiaketan eta 40 inguru izango dira. Gainera, gazta-egite erakustaldia, dastaketa herrikoia eta herrian barrena artalde bat pasatzen ikusteko aukera izango dute bertaratzen direnek.
EGITARAUA
- 10:00 Ganadu erakusketa Arretxeko aparkalekuan, gaztagile eta artisau postuak plaza inguruan.
- 10:30 Kalejira txistulariekin herrian zehar
- 10:30 Euskal Herriko 41. Artzai Gazta Txapelketaren hasiera, Igarondo pilotalekuan.
- 10:30/13:30 Jolasak frontoi zaharrean
- 11:45 Gazta-egite erakustaldia udaletxe aurrean
- 12:00 Herri Kirolak Txomenarena parkean
- 13:00 Artaldea pasako da herriko kaleetan zehar
- 13:45 Gazta txapelketako sari banaketa
Aurten, Domingo Goiburu artzaina gogoan izango dute eta ostiralean arratsaldeko 18:00etan hari buruzko erakusketa zabalduko dute Gaztaren Interpretazio Zentroan.
