Idiazabalgo Udala eta Adinetxe jubilatu elkartearen eskutik, urriaren 17tik azaroaren 7ra arte Olaia Arana Alvarezek lau saio eskainiko ditu. Hauetan, zainketa pertsonala eta norberaren etorkizunaren planifikazioa landuko da.
'Zuk jakitea nahi dut' gidaren aurkezpena izango da lehena eta honen helburua norberak bere zaintza nolakoa izatea nahiko lukeenari buruz hausnartzea eta idatzita uztea izango da. Hurrengo ostegunetan beste hainbat gai landuko dira, horien artean, aurretiazko borondaten agiria, eutanasia, prebentziozko notarioa-ahalordeei buruzko informazioa eta laguntza eta zalantzak ebazteko dokumentuak nola bete behar diren.
Saioak urriaren 17an, 24ean, 31n eta azaroaren 7an izango dira goizeko 10:00etatik 12:00etara Idiazabalgo udaletxeko Areto nagusian eta ikastaro guztiak doakoak izango dira.
Bertaratzeko, izena ematea beharrezkoa izango da 663626196 (Elorri) mugikor zenbakian edota berdintasuna@idiazabal.eus helbide elektronikoan.