Jaso Tower Cranes-eko enpresa batzordeak 8 langileren kaleratzea salatu du helarazitako komunikatu batean. LABeko 6 ordezkarik eta ELAko 3k osatzen duten enpresa batzordeak, zuzendaritzak hartutako erabakia “errefusatzen” du eta atzera botatzea exijitzen diote.
Oharrean adierazi dutenez, “Sei hilabete Aldi Baterako Enplegu Erregulazioan igaro ondoren, ekainean jakinarazi zuen (zuzendaritzak) neurria ez berritzeko asmoa. Ordea, abuztuko oporretatik bueltan zortzi lankide kaleratu ditu, erabakiaren gainean hitz egiteko edo negoziaturiko alternatibak bilatzeko inongo borondaterik gabe”.
Enpresa-batzordearen ustez, “erabakia neurrigabea eta kaltegarria da langile zein enpresarentzat”. “Kaleratze hauekin soldaketa sekzioak ia langileen herena eta lan karga igoera txikienaren aurrean erantzuteko gaitasun produktiboa galduko ditu”, gaineratu dute eta bi galdera luzatu: “ Ze asmo du honen aurrean zuzendaritzak? Zein izango da JASOren etorkizuna?”
Egoera honen aurrean, “langileak batu eta enpresaren aurrean irmo jartzea da dugun alternatiba bakarra”, adierazi dute oharra amaitzeko.
Jason 8 langile kaleratu dituztela salatu du enpresa batzordeak
Erabakia atzera botatzeko exijitu dote zuzendaritzari
Egin zaitez Komunitateko kide eta eman zure ekitaldien berri!
Argazkiak, artikuluak, hitzorduak, agenda ekitaldiak, eta bestelako edukiak gehitzeko aukera izango duzu webgunera.
KOMUNITATEA