Gertu da Idiazabalgo Gazta Azoka ospetsua eta aurten ere mami txapelketa egingo dute bertan. Parte hartzeko deialdia eta baldintzak zabaldu ditu Idiazabalgo Udalak:
Baldintzak
- Idiazabaldar guztientzat
- Esneak ardi latxarena izan beharko du eta azukre edo beste gehigarririk ez da onartuko. Mamia egiteko erabiliko den esnea nongoa den izen-emate momentuan esan beharko da.
Izen-ematea
- Parte hartzeko asmoa duenak, Udaletxean izena eman beharko du maiatzaren 2a baino lehen.
- Ontziak Udaletxean jasoko dira izena ematean.
- Esnea eta gatzagia partehartzailearen kontura izango dira.
Txapelketa
- Bakoitzak bere etxean egingo du mamia bi ontzitan eta maiatzaren 4an, larunbatean, goizeko 11etarako Mikel Deunaren plazara eraman beharko da.
- Kata Mikel Deunaren plazan izango da maiatzaren 4an goizeko 11:15etan.
- Epaimahaikidearen erabakia onartu beharko da.
- Irabazleentzako (lehenengo, bigarren eta hirugarren sailkatuak) SARIAK egongo dira.
- Parte-hartzaile guztiek oparia jasoko dute.