Aizkoran ez zuten zorterik izan goierritarrek. Aitor Urteagak Aritz Irazabalen aurka galdu zuen eta ez du txapelketan aurrera egingo. Bere onena ematera atera zen arren, lan bizkorrak direla azaldu zuen izaldarrak eta "akats txikienak txapelketatik kanpo uzten zaituela".
Jon Alustizak ere ez zuen sailkatzerik izan. Lehen txapelketa izan da idiazabaldarrarentzat eta penaz hartu duen arren froga moduan hartu du lehen partaidetza hau.
Harria jasotzen berriz, bi idiazabaldarrak aritu ziren elkarren aurka eta Gari Gamendia gailendu zen.
Zelaa kiroldegian ospatutako kanporaketan, Eloy Corchero, Aritz Irazabal eta Mikel Arregik lortu zuten aurrera egitea.
Emakumeen harrijasotze txapelketa ere ospatu zen Lucia Orbe eta Lierni Osaren arteko lehiarekin.