Irailaren 7tik aurrera, Gaintzako bizilagunek garraio publikoan aukera gehiago izango dituzte. Linea Gaintza, Zaldibia eta Ordizia lotzen dituen eskaripeko zerbitzua da, eta ordutegi berriekin herriko bizilagunen beharrei erantzun nahi diete. Bereziki, institutuetako ikasleek zein Ordizian eskolaz kanpoko jarduerak eta kirol-entrenamenduak egiten dituzten gazteek etxera itzultzeko dituzten zailtasunei irtenbidea ematea da helburua.
Neurriaren berri emateko, Azahara Domínguez, Mugikortasuneko, Turismoko eta Lurralde Antolaketako diputatuak, Gaintza bisitatu du gaur, eta bertako guraso talde batekin eta herriko gestoreko ordezkariekin bildu da.
Diputatuak herritarren inplikazioa eskertu du, eta administrazioaren eta herritarren arteko elkarlanak duen garrantzia nabarmendu du.
Gaintzako gestoraren presidente Uxue Irastorzak ere balorazio positiboa egin du. Herri txikietan garraio publikoa izatea bereziki garrantzitsua dela adierazi du, eta bi zerbitzu berriek herritarren egunerokoa erraztuko dutela azpimarratu du.