Goierriko Ikasle Antolakunde Sozialistak eta Goierriko Kontseilu Sozialistak Kubarako bilketa solidarioa antolatu dute Euskadi-Cuba elkartearekin elkarlanean eskualdeko hainbat puntu eta ikastetxeetan.
Bi erakunde hauek adierazi dutenez, Kubako herriari elkartasuna adieraztea eta inperialismoari aurre egitea da ekimen honen helburua, izan ere “Kubako herria muturreko egoeran dago AEBen blokeo kriminala dela eta”. Apirilaren 25era bitartean izango dira bilketak eta material sanitarioa, elikadura-osagarriak, elikadura gai ez galkorrak, higiene materiala, kirol materiala, ikasmateriala edota garbitzeko materiala bilduko dute.
Ikastetxeetako bilketak
Apirilaren 24ra arte egingo dira bilketak Jakintza Ikastolan, Goierri Eskolako 4. eraikineko sarreran, Txindoki Institutuan, Oianguren Institutuan eta Lazkaoko Ikastolan.
Bilketa puntuak eskualde mailan
Apirilaren 25ean 10:00etatik 13:00etara puntu hauetan egongo dira produktuak jasotzen:
- Beasain:
Erosky City (Zaldizurreta kalea)
Senpere Merkatal Zentroa
Eroski (Nafarroa Etorbidea 45)
Kale Nagusia
Eroski (Mariarats Kalea 4)
- Ordizia
Eroski (Filipinak kalea 10)
Kale Nagusia
- Ormaiztegi
Erosle
- Zaldibia
Plaza