Legorretako eta Itsasondoko guraso-talde batek egindako eskaerari erantzunez, Gipuzkoako Foru Aldundiko Mugikortasuneko, Turismoko eta Lurralde Antolaketako Departamentuak GO04 (Legorreta>Itsasondo>Ordizia>Beasain>Lazkao>Ataun) linea luzatuko du Legorretara eta Itsasondora iristeko.
Urtarrilaren 19tik aurrera, 7:10ean Ordiziatik ateratzen zen GO04 lineako autobusa 6:55ean irtengo da Legorretatik eta 7:00etan igaroko da Itsasondotik. Horrela, Beasaingo Txindoki institutuan eta Goierri eskolan ikasten duten herri hauetako gazteak klasera iristea bermatuko da. Gainera, Urola Garaia eta Goierri Donostiarekin konektatzen duen linearekin (GO07) konektatzea erraztuko da.
Gazteenen autonomia sustatzea helburu
Azahara Domínguez diputatuak adierazi duenez, “geltoki berri horiekin, inguruko bizilagunek beren eskoletara garraio publikoan iristeko aukera izango dute, gazteenen autonomia sustatuz eta txiki-txikitatik joan-etorrietarako ohitura iraunkorrak ezarriz".
Bestalde, Itsasondoko eta Legorretako guraso taldeak mugikortasun diputatuari eskerrak eman dizkio “jasotako arretagatik eta egindako eskaerari erantzun izanagatik”.