TOKIKOM Sariak banatu dituzte gaur, Mondragon Unibertsitatearen Aretxabaletako Campusean. Bertan izan dira TOKIKOM osatzen duten euskarazko toki hedabideetako ordezkariak, tartean Goierri Telebista.
Bertan izan dira baita erakunde publikoetako ordezkariak ere, hala nola, Eusko Jaurlaritzako Aitor Aldasoro eta Gipuzkoako, Bizkaiko zein Arabako Foru Aldundietako, Garbiñe Mendizabal, Isaac Amezaga eta Joseba K. Perez ordezkariak.
Guztira lau sari banatu dituzte. Azalik onena saria Goienaren Puntua astekariarentzat izan da, Keinu hizkuntza izenburudun azalarengatik. Edukirik onenaren saria, berriz, Aiaraldearentzat izan da, Jesus Garcia Ferreiro: mina jasanezin bihurtzen denean erreportajearengatik. Ikus-entzunezko onenaren saria Antxeta Irratiarentzat izan da. Lodifobiaren aurkako ahotsak elkarrizketa sortagatik. Bestetik, TOKIKOM Sariek aipamen bereziarekin nabarmendu dute Goienaren Podcast gela.
Ekitaldian, Urbano García, RTVE Institutuko formatzaileak, hitzaldi bat eskaini du adimen artifiziala komunikabideetan aplikatzeko baliabideak azalduz.