CCOO Euskadi eta Nafarroa, LAB, STEILAS, Solidari, ETXALDE eta HIRU sindikatuek deitutako Lanuzte Orokorrerako deialdiak honako helburuak ditu:
- Palestinako herriarekin langile klase osoaren elkartasuna adieraztea.
- Israel, Ameriketako Estatu Batuetako Gobernuaren babesarekin, Palestinako herriaren aurka egiten ari den genozidioa eta gizateriaren kontrako krimenak salatzea.
- Zisjordanian Palestinako lurraldearen etengabeko kolonizazioa eta horrek Palestinako langile klasearen lan eta bizi-baldintzetan dituen ondorio larriak salatzea.
- Gazan genozidioaren berehalako amaiera exijitzea eta okupazioari nahiz kolonizazioari bukaera emango dion konponbide integral bat eskatzea, Palestinako herriak askatasunean bizitzeko duen eskubidea bermatuz.
- Patronalari eta instituzio propio nahiz nazioartekoei Israelgo Estatuarekiko harreman komertzial oro eten dezatela eskatzea. Ez da posible genozidio baten kontura negozioa egiten jarraitzea.
- Europako Batasunaren eta Israelen arteko Elkartze Hitzarmena bere osotasunean eten dezatela eskatzea.