Asteburu honetan euskal herriko mito eta ipuin zaharrak izango dira Ataun eta Zegaman. Bi saio eskainiko ditu herri bakoitzean 'Marimunduko' ipuin kontalariak eta izen-ematea zabalduta dago.
Horrela aurkeztu dituzte saio hauetan kontatzen dena: "Mitologia, ipuin edo kontu fantastiko sorta ez ezik, errealitatea esplikatzen duten argibideen multzoa da. Bizimodua arautzeko balio ez duenean baizik ez da bilakatzen mitologia kontu edo ipuin fantastiko bilduma, baina, orduan ere, ematen duen informazioa aintzat hartzeko modukoa da. Izan ere, beste azalpenik ezean, gertakari naturalei aurre egiteko nahiz euren buruak lasaitzeko, mitoak herritarrei ingurunea ulertzen lagundu dien lanabesa izan dira mendeetan zehar."
Jeltilbaratza Kultur Elkarteak antolatutako saioak dira eta Joxe Migel Barandiaran mitologiaren transmisioan egindako lana aintzat hartzen du Ataungo herriak. Horregatik, Barandiaranek paperean bildutako altxorra ezagutarazten du urtero.
Euskal mitologiako hainbat elezahar, mito, kondaira eta ipuin kontatuko ditu Maitane Aizpurua ataundar eta Jentilbaratza Kultur Elkarteko kideak, baina, ez da bakarrik egongo...
Izena emateko QR eta esteka bidez egin daiteke HEMEN, eta hauek izango dira eskainiko dituzten saioak:
LARUNBATA, irailak 20:
- Anduetza parketxea (Zegama): 11:00
- Anduetza parketxea (Zegama): 12:30
IGANDEA, irailak 21:
- Barandiaran museoa (Ataun): 10:30
- Barandiaran museoa (Ataun): 12:00
View this post on Instagram