- Parte-hartzaile bakoitzak, gehienez, 4 argazki aurkez ditzake.
- Argazkiarekin batera adierazi beharko dira:
- Egilearen izen-abizenak.
- Argazkiaren izenburua.
- Posta elektronikoa.
- Harremanetarako telefonoa.
- Argazkiak webgunearen bidez bidali daitezke soilik.
- Parte hartu HEMEN.
ARGAZKIAK BIDALTZEKO EPEA
Uztailaren 24tik (Arratsaldeko 15:00etatik) irailaren 8ra arte (Goizeko 10:00etara).
- 16 urtetik gorakoek parte hartu ahal izango dute.
- Argazkiak koloretan zein zuri-beltzean izan daitezke.
- Argazkiek originalak izan beharko dute.
- Udako argazkiak izango dira.
- Argazkietan agertzen diren pertsonek euren irudia Lehiaketara bidaltzeko baimena eman beharko diote egileari.
BOZKATZEKO EPEA
Irailaren 8tik (Goizeko 10:00etatik) irailaren 18ra arte (Goizeko 10:00etara).
- Pertsona bakoitzak gehienez 3 argazki bozkatu ahalko ditu.
IRABAZLEA ETA SARIA
Irailaren 18an jakinaraziko da gitb.eus webgunean.
- Argazki bozkatuenak Ormaiztegiko Kuko Jatetxean otordua irabaziko du.
- Telefono deiaz jarriko gara kontaktuan irabazlearekin saria nola erabili azaltzeko.
ARAUAK
- Argazki bat bidaltzen baduzu, Goierri Irrati Telebistan eta bere sare sozialetan argazkia argitaratzeko baimena ematen ari zara.
- Argazki desegoki edota iraingarri bat jaso izanez gero, Goierri Irrati Telebistak aukeraketa egingo du egokien iruditzen zaizkion irizpideen arabera.
- Jasotako argazkiak Goierri Irrati Telebistaren artxiboan gordeko dira, eta, aurrerantzean erabiliz gero, egilearen izena adieraziko da.
Lege oharra
Datu Pertsonalen Babeserako araudiaren arabera, lehiaketa honetako parte hartzaileek emandako datu pertsonalak Goierri Irrati Telebistak antolatutako Udako Argazkien GITB Lehiaketaren fitxategian gordeko dira. Fitxategi horren jabea Goierri Irrati telebista da eta datu hauek ez zaizkie hirugarren pertsonei helaraziko. Era berean, lehiaketa horretan parte hartzeak baimena ematen dio Goierri Irrati Telebistari bidalitako argazkia edo argazkiak eta parte hartzailearen izen-abizenak ere Goierri Irrati Telebistan hainbat euskarritan argitaratzeko: gitb.eus webgunean, Goierri Telebistan eta, hala badagokio, Goierri Irrati Telebistak profila daukan sare sozialetan.
Udako Argazkien GITB Lehiaketan parte hartzeak xede horretarako baimena ematea dakar. Horrez gain, lehiaketako parte hartzaile orok eskubidea dauka bere datuak kontsultatzeko, zuzentzeko, ezeztatzeko eta haiei aurka egiteko. Hori egiteko, posta elektroniko bat bidali beharko da gitb@gitb.eus helbidera.