Goierri guztia argindarrik gabe egon da 3 orduz gutxi gorabehera. 12:30ak aldera gertatu da itzalaldia baina ez da gurean bakarrik izan. Izan ere, argindarra Euskal Herrian, Espainian, Portugalen eta Frantziako hainbat tokitan eman da.
Itzalaldiaren eraginez, tren zerbitzu guztiak eten dira. Trafikoan ere eragina izan du, semaforoak eta errepideetako panelak itzali bait dira.
Denda eta taberna guztiak argindarrik gabe, komeriak izan dituzte bezeroei zerbitzua emateko. Goierriko lantegi eta bulegoetan ere lanaldia eten egin da kasu askotan.
Egoerak hobera egin du pixkanaka, Espainiako Argindar sareak iparraldetik eta hegoaldetik hasita argindarra berreskuratzen hasiko dela iragarri duenean. Era berean, itzalaldia zerk eragin duen ikertzen ari direla adierazi dute.