Euskadi Kode Etikoaren parte diren enpresa eta entitateek ziurtagiriak jaso dizute gaur goizean Gasteizko Europar Jauregian. Javier Hurtado, Turismo, Merkataritza eta Kontsumoko sailburuak enpresa eta entitate ziurtatuek Kode Etikoaren prestakuntzan eta konpromisoan egindako ahalegina goraipatu du ekitaldian: "pertsonen arteko elkartrukean oinarritutako edozein jarduerak lotura estua izan behar du beti etikarekin, eta turismoa herrialdeen eta lekuen arteko esperientzia- trukea da. Horrek bultzatu du Euskadi etiko eta jasangarri turismo-eredu baten aldera egitera".
Daniela Otero, Turismoaren Etikaren Munduko Batzordeko bitarteko presidenteak: "Euskadik erakutsi du turismo jasangarri eta arduratsua lortzeko arlo publiko eta pribatuen arteko harreman osasuntsu bat, bai nazio edo nazioarteko maila, ezartzea bide bakarra dela" azpimarratu du.
Kalitate programa desberdinak garatu ondoren, Eusko Jaurlaritza duela bost urte hasi zen Turismoaren Kode Etikoa programa ezartzen. Euskadiko Turismorako Munduko Kode Etikoaren egokitzapena da Kode Etikoa, Garapen Jasangarrirako Agenda 2030ean ezarritako Garapen Jasangarrirako Helburuekin bat eginez.
Goierrin, hamasei
Programak atal hauek aztertzen ditu: turistak ulertzen eta errespetatzen laguntzea, berdintasuna, gizarteratzea eta aniztasunarekiko tolerantzia, jasangarritasuna, bertako tradizioaren eta kulturaren sustapena, gizateriaren kultur ondarea zaintzea, bikaintasuna eta profesionaltasuna, pertsonen eskubideak errespetatzea eta tratu egokia ematea sektoreko langile eta enpresariei.
Hauek aztertuta, hamasei izan dira Goierrin ebaluatutako eta errekonozimendua jaso duten enpresa turistikoak: Ataungo turismo bulegoa, Beasaingo Dolarea hotela, Beasaingo Igartza Jauregia, Erro zerbitzu turistikoak, GOITUR Goierri Turismoa, Idiazabalgo Gaztaren Interpretazio Zentroa, Ordiziako Delikatuz Interpretazio Zentroa, Ordiziako Ordizia hotela, Ormaiztegiko turismo bulegoa, Segurako Imaz hotela, Segurako Erdi Aroko Interpretazio Zentroa, Zegamako Aizkorriko Ataria, Interpretazio Zentroa, Zegamako Arrieta Haundi nekazalturismoa, Zeraingo turismo bulegoa, Zeraingo Oiharte sagardotegia eta Zeraingo Aizpeako Interpretazio Zentroa.