Errigora ekimen herritarrak udaberriko kanpaina abiatu berri du "Nafar hegoaldeko uzta eskutik eskura" izenpean. Eguneroko kontsumo ohituretan eragitea du helburu nagusitzat, bitartekariak alde batera utzi eta ekoizleei zuzenean produktuak erosiz. Hala, Nafarroa hegoaldeko oliba-olio birjina estra, ardoak eta arroz, pasta, lekale eta kontserba-sortak jaso daitezke, auzolanari esker, norbere herrian eta ekoizlearen jatorrizko prezioan.
Eskaerak errigora.eus webgunean egin daitezke martxoaren 26ra arte. Ondoren, apirila bukaeran eta maiatzean zehar jaso ahalko dira aukeratutako puntuan.