Martxoan hasiko diren Osinalde sarirako baliagarriak diren kanporaketen datak eta bertan parte hartuko duten bertsolarien izenak iragarri dituzte.
Osinalde Saria apirilaren 26an ospatuko da Gabirian eta urtero bezala bertan arituko diren 6 bertsolari finaliostak hiru kanporaketetan erabakiko dira. Lehena Ordizian egingo da; Argi Berri saria martxoaren 29an egingo da. Astebetera ospatuko da Osin Berde saria, Zaldibian apirilaren 5ean eta azken bi finalitsak Aztiri Sarian erabakiko dira, apirilaren 12an.
Sariketa hau plaza garrantzitsua da bertsolari gazteentzat eta aurten parte hartuko duten 18 bertsolaritatik 8k, lehen aldiz kantatuko dute bertan.
Kanporaketak
Argi Berri saria: Ordizian, martxoaren 29an. Bertsolariak: Haira Aizpurua (Sara, 2006), Libe Goenaga (Getaria, 1999), Mikel Etxezarreta (Olaberria, 2003), Irantzu Idoate (Hazparne, 2005), Danel Herrarte (Aramaio, 2004) eta Maddi Agirre (Gasteiz, 2005).
Osin Berde saria: Zaldibian, apirilaren 5ean. Bertsolariak: Eki Mateorena ( Leitza, 2005), Janire Arrizabalaga (Gernika, 2003), Jon Mendiluze (Irura, 2005), Ekain Alegra (Altsasu, 2001), Josu Ibarguren (Oiartzun, 2000) eta Iruri Altzerreka (Garai, 2000).
Aztiri Saria: Aztirian, apirilaren 12an. Bertsolariak: Aitor Tatiegi (Oñati, 2001), June Aiestaran (Beasain, 2006), Beñat Astiz (Barañain, 2004), Peru Irastortza (Algorta, 2001), Naia Arrizabalaga (Azkoitia, 2004) eta Maite Sarasola (Deustu, 2001)
