Foru Aldundiak 2025eko egutegiaren 40.000 ale banatuko ditu Gipuzkoan.
Hilaren 15etik 18ra, igandetik asteazkenera, arituko dira egutegien banaketa egiten Goierrik barne dituen herrietan.
Gipuzkoako Foru Aldundiak 2025eko egutegiaren 40.000 ale banatuko ditu datozen egunetan Gipuzkoa osoan, herri guztietara gerturatuta. Hamahiru argazkik osatzen dute guztira egutegia –hilabete bakoitzean bana eta azala–, eta "bisualki oso erakargarria ez ezik, Gipuzkoaren nortasunaren isla" ere badela azpimarratu Jose Luis Garcia de Madinabeitiak, Gipuzkoako Argazki Elkarteko epaimahaiak.
Gipuzkoako Foru Aldundiak eta Gipuzkoako Argazki Elkarteak antolatu dute aurtengo lehiaketa fotografikoa, Gipuzkoa 1.000 urte lelopean. 272 parte-hartzailek hartu dute parte, "Gipuzkoako txoko eta leku ezberdinen esentzia harrapatuz", eta "emaitza harrigarria eta oso anitza" izan dela adierazi du Irune Berasalucek, Gipuzkoako foru bozeramaileak.
Jose Angel Amuchasteguiren "argazki koloretsu ikusgarria" da, hain zuzen ere, aurtengo irabazlea, eta 1.000 euroko saria jaso du. Arantzazuko santutegiko kriptara jaisteko eskaileraren beiratearen argi eta koloreen jolasa islatzen du argazkiak, "Gipuzkoako ondare kulturala erakutsiz". Gainontzeko hamabi irabazleek, berriz, 250 euroko sariak jaso dituzte.
Egutegien banaketa
Hilaren 15etik 18ra, igandetik asteazkenera, arituko dira egutegien banaketa egiten GITB-k barne dituen herrietan.
Abenduak 15, igandea:
- Ezkio: 17:00-18:00, pilotalekua.
- Itsaso: 18:30-19:30, Udaletxearen aurrean.
- Legazpi: 15:30-16:30, Legazpiko azokako plaza.
- Urretxu: 12:30-13:30, Gernikako arbola plaza.
- Zumarraga: 10:00-12:00, Euskadi enparantza.
Abenduak 16, astelehena:
- Gabiria: 17:00-18:00, Herriko Plaza.
- Mutiloa: 15:30-16:30, Herriko Plaza.
- Ormaiztegi: 18:30-19:30, Herriko Plaza.
- Segura: 11:30-12:30, Herriko Plaza.
- Zegama: 10:00-11:00, Herriko Plaza.
- Zerain: 13:00-14:00, Ostatu parean.
Abenduak 17, martitzena:
- Ataun: 10:00-11:30, San Martin auzoko plaza.
- Beasain: 17:30-19:30, Erauskin plaza.
- Idiazabal: 16:00-17:00, Herriko Plaza.
- Lazkao: 11:30-12:30, Herriko Plaza.
- Olaberria: 13:00-14:00, Herriko Plaza.
Abenduak 18, asteazkena:
- Altzaga: 17:00-18:00, Udaletxe parea.
- Arama: 15:30-16:30, Herriko Plaza.
- Gaintza: 10:00-11:00, Herriko Plaza.
- Itsasondo: 18:30-19:30, Herriko Plaza.
- Legorreta: 17:30-18:30, Herriko Plaza.
- Ordizia: 13:00-14:00, Fray Andres kalea.
Zaldibia: 11:30-12:30, Herriko Pl