Azaroaren 15 eta 16an Portugalen ospatu zen munduko gazta onenak izendatzen duen txapelketa. Ekitaldian, 40 herrialde baino gehiagoko 4.000 gazta inguru bildu ziren.
Mundu osoko gazten artean, Idiazabal Jatorri Izendapena duten 24 gazta izan dira sarituak, haien kalitate handia egiaztatuz eta nazioartean gure gazten izen ona eta prestigioa zabaltzen lagunduz.
14 gaztandegik jaso dute dominak, 6 urrezko, 6 zilarrezko eta 12 brontzezko. Hauetako zazpi domina, Goierriko hiru gaztagilek jaso dute.
Zeraingo Garoako gaztandegiak urrezko eta brontzezko domina bana irabazi dituzte, Gabiriako Baztarrikako gaztandegiak zilarrezko bat eta Ilarduiako (Araba) Eli Gorrotxategi beasaindarraren eta Joxe Mari Jauregi lazkaotarraren La Leze gaztandegiak, urrezko hiru eta zilarrezko bat.
Idiazabal jatorri izendapeneko gaztandegi sarituak:
| URREA | ZILARRA | BRONTZEA |
|
1 Garoa 1 Julen Karasatorre 3 La Leze 1 Patxi Lopez de Uralde |
1 Angel Linzoain 1 Baztarrika 1 La Leze 1 Oihan Txiki 1 Patxi Lopez De Uralde 1 Quesería Valle De Baztan |
2 Angel Linzoain 1 Bengotxea (Etxelekua) 2 Buruaga Arditegia 1 Garoa 1 Goine Berria 2 Jose Inazio Ugartemendia 1 Julen Karasatorre 1 Quesos La Vasco Navarra 1 Sc Loperena |