Gipuzkoako Federazioko arduradunek dimisioa aurkeztu zutenetik, egoerak ez du hobera egin. Oinarrizko txirrindularitzako lasterketak antolatzeko zailtasunak izan dituzte azken urteetan, bai Gipuzkoako Txirrindularitza Federazioak, baita antolakuntza lanetan dabiltzan elkarteek ere.
Joan zen astean, Gipuzkoako txirrindularitza osatzen duten talde eta erakundeek batzarra egin zuten Donostian, egungo egoeraren berri emateko. Ondorioz, Gipuzkoako txirrindularitzaren egoera salatzeko, mobilizaziorako deialdia egin dute. Hau, urriaren 13an izango da Donostian, goizeko 11:00etan, Anoetako estadiotik abiatuta.
Une honetan, Federazioak egiten zuen lana aldundiaren esku gelditu da. Hala ere, egoera honen aurrean, denboraldi honetako probak ez dira aurrera eramango.
