Asteazkenetik ostegunerako gauean Santutxu auzoko etxe batean entzuten ziten oihuek bizilagunak ohartarazi eta larrialdi zerbitzuetara deitu ondoren, Ertzaintzak eta Bilboko udaltzainek 31 urteko emakume bat “lesio garrantzitsuekin” aurkitu zuten bere etxebizitzan. Bere bikotekidea etxean aurkitzen zen eta emakumea lekuan bertan hil zen.
Hainbat izan dira erailketa gaitzetsi duten erakundeak eta gaur arratsaldean iluntze aldera elkarretaratzeak egingo dira puntu desberdinetan. Goierriko talde feministek indarkeria matxista ez dutela onartuko eta “aski dela” adierazi dute euren sare sozialetan.
Ordizia, Lazkao eta Ataunen arratsaldeko 19:00etan izango dira. Ordiziako Plaza Nagusian, Lazkaoko plazan, Ataungo San Martingo plazan eta Beasaingo Erauskin plazan. Beasainen 19:30etan elkartuko dira.