Nekazal makineriaren ikuskapen teknikoa egiteko unitate mugikorra egongo da Goierriko zenbait herritan, Goimen Landa Garapenerako Elkarteak adierazi duenez. Bertako zein inguruko herrietako baserritarrentzat izango da zerbitzua. Goiemenk norberak gertuen duen herrira gerturatzea gomendatu du, denentzako aukera izan dadin.
Txanda eskatzea, derrigorrezkoa
Ikuskapena egin ahal izateko txanda eskatu beharko da Irungo IATren estazioan. Bi aukera daude: 943 626300 telefono zenbakira deitu eta 1 sakatu Irungo estazioarekin hitz egiteko edo itevelesa.com webgunean ere hartu daiteke txanda. Zerbitzuaren kostua 48,34€ izango da eta esku dirutan ordaindu beharko da. Beharrezkoa izango da seguruaren ordainagiria ere eramatea.
IAT pasa ahalko den leku eta egunak
- Olaberria: irailaren 11n eliza atzean
- Idiazabal: irailaren 12an kamioien aparkalekuan
- Idiazabal (Urtsuaran): irailaren 17an ermita ondoan
- Lazkao: urriaren 2an eta 23an Zubierreka industriagunean
- Segura: azaroaren 5ean herriko aparkalekuan
- Zegama: azaroaren 13an sarrerako poligonoan
- Zaldibia:azaroaren 14an Goizaneko aparkalekuan