Artzain Egunarekin batera ospatu dute Legazpin Gipuzkoako 40. Artzai Gazta Lehiaketa eta txapelka Olaberrira joan da, Aizpea gaztandegira. Eli Arrillaga eta Mikel Etxezarretak jaso zuten txapela eta garaikurra Legazpiko alkatearen eskutik.
Bigarren saria Legazpiko Makatzako Agurtzane Gabiriak irabazi zuen. Hirugarrena, berriz Baztarrika gabiriarrentzat izan zen. Iazko txapelketak beraiek izan ziren txapeldunak.
Sarituen artean eta, beraz, Idiazabalen ospatzen den Euskal Herriko txapelketara sailkatu direnen artean badira goierritar gehiago. 4. postua eskuratu zuen Idiazabalgo Gaztainaditxulok, 8.a Lazkaoko Intzartzuk, 9.a Ordiziako Otatzak eta 10.a Segurako Ondarrek.