Pasa den astean HINE Group enpresa goierritarrak 50. Urteurrena ospatu zuen Tabakaleran. Arrizabalaga eta Guibelalde sendiak, bezeroak, hornitzaileak eta Eusko Jaurlaritzako eta Gipuzkoako Foru Aldundiko ordezkariak izan ziren 220tik gora gonbidatu bildu zituen ekitaldian.
Andrea Arrizabalaga kazetari eta aurkezleak gidatu zuen saioa ‘Mugitzen gaituen energia’ lelopean eta aurpegi ezagun askok hartu zuten parte ekitaldian, hauen artean, Pello Guibelalde HINEren sortzaile eta eta 36 urtez zuzendari izandakoa, gaur egungo CEO den Lander Guibelalde eta HINE Brasil-en zuzendari den Karmelo Arandia.
Ekitaldian, HINE-ren sorrera eta ibilbidean izandako mugarri nagusiak gogoratu zituzten, baita ere enpresak izan duen arrakastaren gakoak. Etorkizunean izango dituzten erronkei begira jarri ziren eta 50. Urteurrenean egindako ekitaldiak errepasatu zituzten.